Mwasiti awa dada hekima

17Feb 2016
Na Mwandishi Wetu
Burudani
Lete Raha
Mwasiti awa dada hekima

STAA wa muziki wa kizazi kipya, Mwasiti Almasi, amewataka wasanii wa kike wanaoingia kwenye muziki huo kuwa makini na wanaume uchwara ambao wanadai wanataka kuwasaidia kimuziki na kumbe wanataka kuwatumia kimapenzi.

Mwasiti Almasi

Msanii huyo amesema kuwa wasanii wa kike wanatakiwa kujua wamefuata nini kwenye muziki na kuacha kupapatikia mambo makubwa, ambayo yanaweza kuwaharibia malengo yao ya baadaye.

"Mimi ninafikiri kwanza watoto wa kike wajue wamefuata nini kwenye muziki, ninasema hivyo kwa sababu hii sanaa ni pana sana na ina watu tofauti na katika mazingira hayo siyo kila mtu ni mwema," amesema Mwasiti.

Amesema kinachotakiwa ni wasanii wenyewe kuwa makini na kuzingatia kile ambacho kimewaingiza kwenye muziki huo, vinginevyo wanaweza kujikuta wakiingia kwenye midomo ya mamba.