Kinana: Rais Samia anadhamira ya dhati kufanikisha uchaguzi huru

Kinana ameyasema hayo leo Machi 5, 2024, jijini Dar es Salaam alipokuwa akitoa salamu akimwakilisha Mwenyekiti wa CCM Taifa Rais Samia katika mkutano mkuu wa chama cha ACT -Wazalendo.

Amesema wanakwenda katika uchaguzi wa serikali za mitaa na mwakani uchaguzi mkuu. Na kwamba kumefanyika mabadiliko ya sheria tatu bungeni, kutokana na maoni mbalimbali ya wadau, ikiwamo Sheria ya vyama vya siasa, tume ya uchaguzi na sheria ya uchaguzi. 

"Nataka niwahakikishie kwamba serikali ya Chama Cha Mapinduzi inayoongozwa na Rais Samia ina dhamira ya dhati katika mwaka huu wa uchaguzi wa serikali za mitaa na mwaka ujao kwenye serikali kuu kuhakikisha kunakuwa na uchaguzi ulio huru na wa haki," amesema Kinana.

Amesema mbali na kupitisha sheria nzuri ya kuhakikisha kunakuwapo uchaguzi huru na wa haki, pia dhamira ya Rais Samia kufanikisha hilo inajipambanua katika utekelezaji

wake.