Mpanda Veterans SC yajipanga kuinua soka Katavi

28Nov 2023
Neema Hussein
Katavi
Michezo
Nipashe
Mpanda Veterans SC yajipanga kuinua soka Katavi

TIMU ya Mpanda Veterans Sports Club imeweka mikakati ya kuibua vipaji vya mpira wa miguu kwa watoto ili kuinua michezo katika Mkoa wa Katavi ambao asilimia kubwa umeonekana kuwa nyuma kimichezo kutokana na kukosekana kwa miundombinu ya kutosha katika sekta ya michezo.

Hayo yamesemwa na viongozi wa Chama cha Mpanda Veterani sports Clabu ambacho kwasasa kina wanachama zaidi ya 50 ambao wameungana kwaajili ya kuhakikisha michezo inasongambele ndani ya mkoa huo.

"Matarajio yetu sisi kama Mpanda Veterans nikuhakikisha tunaimarisha umoja wetu, kuwa chanzo cha kuhamasisha wadau wengine kujihusisha na michezo hasa mpira wa miguu tunataka tulee vipaji ili tupate wachezaji watakao cheza mbali zaidi,"amesema Katibu wa Chama hicho Hussein Athumani.

Kwa upande wake Mwenyekiti wa Chama cha Mpira wa Miguu Mkoa wa Katavi Kenneth Pesambili amesema wakotayari kushirikiana na Clabu hiyo ili kupata kikosi bora kitakacho wakilisha mkoa wa Katavi kwenye mashindano ya mpira wa miguu.