Hatimaye timu 4 za Safari Lager Cup, zapatikana

21Nov 2023
Na Mwandishi Wetu
Dar es salaam
Michezo
Nipashe
Hatimaye timu 4 za Safari Lager Cup, zapatikana

KAMPUNI ya Bia Tanzania (TBL) kupitia bia yake ya Safari imetangaza timu nne zenye wachezaji 22 kila moja kwenye kampeni yao ya kusaka vipaji kupitia mpira wa miguu.

Mashindano hayo yalifanyika katika mikoa ya Mwanza, Mbeya, Arusha na Dar es Salaam.

Lengo la mashindano hayo ni kukuza vipaji ambapo timu hizo nne zitashindana na kutoa timu moja itakayojulikana kama Safari Champions – mabingwa wapya katika mpira (The New Order of Champions).

"Timu hizo nne zilizopatikana zitaingia kambini mapema mwezi ujao na baadaye kushindanishwa ambapo wachezaji 22 watachaguliwa ili kuunda timu ya Safari Lager Champions itakayocheza na moja ya timu kubwa katika ligi kuu ya Tanzania",.

Makocha Jamhuri Kihwelo na Sekojo Chambua wanasema hili ni zoezi la aina yake na lenye lengo la kuongeza tija katika tasnia ya mpira.