Kinana awajibu wanaosema Rais Samia ni rais wa katiba

13Aug 2022
Beatrice Shayo
Habari
Nipashe
Kinana awajibu wanaosema Rais Samia ni rais wa katiba

MAKAMU Mwenyekiti wa Chama Cha Mapinduzi (CCM) Bara,  Kanali Mstaafu, Abdulrahman Kinana, amesema wanaosema Rais Samia Samia Suluhu Hassan ni rais wa katiba wana ajenda yao kwani nafasi hiyo alichaguliwa baada ya kupimwa uwezo wake na kuonekana anafaa.

Kinana amesema hayo leo wakati wa kongamano la kumpongeza Rais Samia kwa kasi nzuri ya utekelezaji wa ilani ya mwaka 2020/25 iliyofanyika katika uwanja wa CCM mkoa wa Kaskazini Unguja.

Kinana amesema  kuna baadhi ya watu wanataka kuvuruga mambo kwa wananchi Rais Samia alipimwa uwezo wake kabla ya kuingia katika nafasi hiyo.

"Huyo anayesema Rais Samia ni wa Katiba sio kweli hao wana ajenda yao tuliupima uzoefu wake bila ya kupewa nafasi na tumeona anaweza na anafanya vizuri," amesema Kinana.