Waendesha mashtaka wataka R-Kelly kuongezewa miaka 25 jela

19Feb 2023
Na Mwandishi Wetu
Burudani
Nipashe Jumapili
Waendesha mashtaka wataka R-Kelly kuongezewa miaka 25 jela

LICHA ya mwanamuziki R-Kelly kuhukumiwa miaka 30 jela na Mahakama ya New York baada ya kukutwa na hatia ya makosa ya Unyanyasaji wa Kijinsia, Waendesha mashitaka wametaka akimaliza hukumu hiyo iongezeke miaka 25.

Wametoa mapendekezo hayo katika kesi nyingine ya Ponografia na kushawishi watoto wadogo kushiriki katika shughuli za uhalifu wa Kingono katika Mahakama ya Chicago, wakidai lengo ni kuona mwanamuziki huyo amalizie maisha yake yote gerezani.

Wakili wa Kelly (56), Jennifer Bonjean amesema mteja wake anatakiwa kuendelea kupinga vikwazo vyote dhidi yake ili atoke gerezani akiwa hai.