DC Mpanda awahakikishia usalama wafanyabiashara

29Oct 2023
Neema Hussein
MPANDA
Biashara
Nipashe Jumapili
DC Mpanda awahakikishia usalama wafanyabiashara

WAFANYABIASHARA wa Manispaa ya Mpanda mkoani Katavi, wameiomba serikali kuendelea kuwahakikishia usalama ili wafanye biashara zao kwa amani hali ambayo itasaidia kuvutia wawekezaji wengi wa nje na ndani kuwekeza katika mkoa huo.

Mkuu wa Wilaya ya Mpanda, Jamila Yusuph.

Hoja hiyo iliibuliwa na baadhi ya wafanyabiashara katika kikao cha wawekezaji ikiwa ni siku ya tatu ndani ya maonesho ya wiki ya mwanakatavi ambayo ni siku ya uwekezaji na kutangaza fursa za uwekezaji zilizopo ndani ya mkoa.

Akijibu hoja hiyo Mkuu wa Wilaya ya Mpanda, Jamila Yusuph amewahakikishia kuwepo kwa usalama wa kutosha na kuahidi kuzifanyia kazi changamoto ndogo zinazojitokeza.

Mkoa wa Katavi bado unaendelea na maonesho ya wiki ya mwanakatavi amb+apo kabla ya kikao hicho Jamila alitembelea na kukagua mabanda mbalimbali yaliyopo katika viwanja vya azimio yanakofanyika maonesho hayo.