Christina aibuka mshindi wa kwanza 2024 magifti Dabodabo

05Jan 2024
Faustine Feliciane
Biashara
Nipashe
Christina aibuka mshindi wa kwanza 2024 magifti Dabodabo

MKAZI wa Salasala jijini Dar es Salaam, Christina Mrua juzi aliibuka mshindi wa kwanza kwa mwaka huu wa zawadi ya vuombo vya umeme vya majumbani kwenye kampeni ya Magifti dabodabo inayoendeshwa na Kampuni ya Tigo.

Baada ya kuibuka mshindi Christina alikabidhiwa jokofu la kisasa, Televisheni, music system ya kisasa pamoja kipashia Moto vyakula.

Akizungumza mara baada ya kukabidhiwa zawadi hizi, Christina aliishukuru kampumi ya Tigo kwa kuendesha kampeni hiyo na kuwataka Wananchi wengine kuchangamkia fursa ya kushinda.

"Nimekuwa nikitumia mtandao wa Tigo, nafanya miamala kupitia tigopesa mara kwa mara, hii ndio sababu ya kushinda kwangu, yoyote anaweza kushinda", anasema Christina.

Kwa upande wake Meneja Mauzo wa Kampuni hiyo kanda ya Kinondoni Kaskazini, Shadrach Mutalemwa ambaye alimkabidhi mshindi zawadi zake, ameshauri wateja wa kampuni hiyo kufanya malipo mbalimbali kwa kutumia Tigopesa ili kujiweka katika nafasi ya kushinda zawadi mbalimbali katika kampeni hiyo.