Messi apiga 'hat-trick', Suarez akikosa penalti

05Mar 2016
Na Mwandishi Wetu
Michezo
Nipashe
Messi apiga 'hat-trick', Suarez akikosa penalti
  • Mshambuliaji huyo wa kimataifa kutoka Argentina, sasa amefunga mabao 20 katika mechi zote 16 alizocheza mwaka huu.

LIONEL Messi alipiga 'hat-trick' huku Luis Suarez akikosa tuta wakati Barcelona iliposhinda 5-1 dhidi ya wenyeji Rayo Vallecano iliyobaki na wachezaji tisa uwanjani na kujihakikisha kuwa kileleni mwa msimamo wa La Liga kwa pointi nane.

LIONEL Messi

Ivan Rakitic aliwapa uongozi wa mechi Barcelona katika dakika ya 22 kabla ya Messi kuyafanya matokeo kuwa 2-0 baada ya kugongeana vyema na Neymar dakika saba kabla ya nusu saa ya mchezo.

Diego Llorente alitolewa kwa kadi nyekundu kabla ya mapumziko baada ya kucheza rafu dhidi ya Rakitic kisha Messi akaongeza la tatu dakika 53 akimalia mpira wa Luis Suarez uliogonga nguzo, lakini Manucho akawapoza wenyeji akiitendea haki kazi nzuri ya Bebe.

Manuel Iturra alitolewa kwa kadi nyekundu kipindi cha pili kabla ya Suarez kukosa penalti iliyotokana na kosa la mchezaji huyo, lakini Arda Turan akaongeza bao la tano la Barca.

Goli la dakika ya 72 lililokuwea la nne kwa Barca juzi usiku, lilimfanya Messi aongeze idadi ya 'hat-trick' na sasa ana magoli 20 katika mechi 16 zlizocheza mwaka huu. (Marca)