'Vinyozi' bora wa wakati wote Uefa

Kilele cha soka kwa klabu kinachotawala hatua kubwa zaidi ya Ulaya ni moja ya sehemu ya mafanikio makubwa zaidi kwa klabu.

Makala haya inawaangalia wafungaji bora wa muda wote wa mashindano ya Ligi ya Mabingwa Ulaya.

Wachezaji hawa waling’ara wakati wakiwa na timu zao na kuziwezesha kutwaa taji hilo ambalo ni kubwa zaidi kwa ngazi ya klabu barani Ulaya.

#5. Raul (Mabao 71)

Gwiji wa Real Madrid na Raul alikaa vema kileleni mwa jedwali la wafungaji akiwa na mabao 71 alipostaafu.

Lakini katika miaka ya hivi karibuni Mhispania huyo ameangushwa hadi nafasi ya tano kwenye orodha hiyo na Mfaransa na nyota wa 'Los Blancos' hao, Karim Benzema.

Raul alikuwa na maisha ya hali ya juu, akishinda Ligi ya Mabingwa Ulaya mara tatu akiwa na klabu yake ya nyumbani na kutajwa kuwa mfungaji bora wa mashindano hayo mara mbili.

#4. Karim Benzema (Mabao 89)

Benzema ndiye mfungaji bora wa nne katika mashindano haya ya soka ya klabu barani Ulaya na bao jingine katika ushindi wa mkondo wa pili dhidi ya Liverpool limemfanya asonge mbele zaidi ya tatu bora.

Sasa ana umri wa miaka 35, Mfaransa huyo aliifungia Lyon katika mechi yake ya kwanza ya michuano hiyo akiwa na umri wa miaka 17 pekee.

Mabao yake yameisaidia Real Madrid kutawazwa mabingwa wa Ulaya mara tano wakati wake pale Bernabeu. Na Benzema huenda akastaafu soka akiwa kwenye orodha ya juu kwa ufungaji kwenye mashindano hayo.

#3. Robert Lewandowski (Mabao 91)

Nyota wa zamani wa Bayern Munich, Robert Lewandowski alifikisha alama 80 katika muda wa rekodi baada ya kuchukua mechi 100 pekee - mbili pungufu kuliko mchezaji aliyefuata kwenye orodha hii.

Mabao 15 ya raia huyo wa Poland katika msimu wa 2019-2020 yalimfanya achukue Kiatu cha Dhahabu na kuiongoza timu yake kutwaa ubingwa.

Lakini hatakuwa na nafasi ya kufunga tena msimu huu kwani Barcelona ambayo anaichezea kwa sasa haipo kwenye mashindano hayo.

#2. Lionel Messi (Mabao 129)

Mchezaji nyota wa Argentina, Lionel Messi ametamba Ligi ya Mabingwa Ulaya mara nyingi tangu mwaka 2005 na ni wa tatu katika orodha ya wachezaji waliocheza muda wote.

Akitumia sehemu kubwa ya maisha yake ya soka kuichezea timu yake ya utotoni ya Barcelona, amefunga mabao ya kutosha na kunyanyua kombe hilo maarufu mara nne.

Na ameendeleza uchezaji wake kule Paris Saint-Germain, lakini bado hajaweza kuisaidia timu hiyo ya Ufaransa kupata mafanikio kwenye mashindano hayo.

#1. Cristiano Ronaldo (Mabao 140)

Cristiano Ronaldo ni mashine ya kufunga mabao bila ubishi. Mchezaji huyo wa kimataifa wa Ureno ametikisa nyavu mara 140 kwa klabu tatu, huku nyingi zikipatikana wakati akiwa Real Madrid.

Ronaldo amecheza mechi 183 kwenye michuano hiyo tangu alipoanza kuichezea Manchester United mwaka 2003.

Akiwa na mataji manne ya Ligi ya Mabingwa Ulaya chini ya Madrid na moja kutoka kwa Mashetani Wekundu, mshambuliaji huyo ni mmoja wa wachezaji bora zaidi waliopambwa zaidi kuwahi kutokea.

Nyota wa zamani wa Juventus, Ronaldo mwenye umri wa miaka 38, pia ndiye mchezaji wa kwanza kufunga katika fainali mbili kwa timu mbili tofauti zilizoshinda - akifunga bao la kwanza kwa United mwaka 2008 na penalti ya dakika ya 120 kwa Real mnamo 2014.