Serengeti Lite kuibua Ma DJ chipukizi kupitia ‘Take a Bite out of Life

15Aug 2021
Na Waandishi Wetu
DAR ES SALAAM
Burudani
Nipashe Jumapili
Serengeti Lite kuibua Ma DJ chipukizi kupitia ‘Take a Bite out of Life

Kampuni ya Bia ya Serengeti (SBL) kupitia bia yake ya Serengeti Lite,imezindua kampeni mpya na ya aina yake inayojulikana kama “Take a Bite out of Life’,inayowahamaisha vijana na wateja wake kujiongeza,kufanya zaidi huku ikitoa fursa ya wenye vipaji kuonyesha uwezo wao na kuwaandaa kuwa wanachotaka.

Kaimu Katibu Mtendaji wa Baraza la Sanaa la Taifa Matiko Mniko (kati kati) akikuzindua rasmi kampeni ya ‘Take a Bite out of Life’ inayoendeshwa na Bia ya Serengeti Lite na ambayo inalenga kuvumbua vipaji vya Ma DJ chipukizi. Kulia na Meneja Mwandamizi wa Chapa kutoka Kampuni ya Bia ya Serengeti (Senior Brand Manager, mainstream beer) Wakyo Marando na kushoto ni mmoja wa majaji wa shindano hilo, DJ Zero.

Kampeni hiyo inalenga kuwafanya wateja wa Serengeti Lite kufurahia ladha ya kipekee ya bia hiyo ya Kitanzania, iliyotengenezwa Nchini kwa ajili ya Watanzania huku wakionyesha vipaji na uwezo wao.

Kwa mujibu wa Meneja Mwandamizi wa chapa wa Serengeti, Wankyo Marando, amesema kampeni hiyo ni maalum kwa watu na vijana wenye uthubutu, wanaojiongeza na wanaofanya  zaidi ili kufikia malengo waliyojiwekea bila woga wala kuangalia nyuma.

 Kampeni hiyo itakayodumu kwa miezi mitatu, itahusisha mashindano ya kuwapata  JD wakali na jumla ya washiriki 5,200 kutoka shehemu mbalimbali nchini watapewa jukwaa la kuonyesha vipaji vyao.  Washindi watatu watapata zawadi ya DJs kits zenye thamani ya hadi Shilingi milioni 7 kila moja huku wakipewa nafasi za kufanya kazi kama ma DJ wa Serengeti Lite katika sehemu wanazoishi.

Washiriki ambao hawataweza kufika fainali, watapata zawadi mbalimbali kama baketi za bia, tisheti, kofia Pamoja na kupata jukwaa la kuonyesha vipaji vyao chini ya chapa ya bia inayoheshimika na kupendwa, Serengeti Lite

Kwa mujibu wa Wankyo, shindano ka kuwapata ma DJs wakali wanaochipukia lipo wazi kwa mtu yeyote mwenye umri wa miaka zaidi ya 18 na ambaye anaamini kuwa ana kipaji.

Kaimu Katibu Mtendaji wa Baraza la Sanaa la Taifa  Matiko Mniko (kati kati) akiwa na Meneja Mwandamizi wa Chapa kutoka Kampuni ya Bia ya Serengeti Wakyo Marando pamoja na DJ Zero muda mfupi kabla ya uzinduzi wa kampeni ya Take a Bite Out of Life inayolenga kuwahamasisha vijana kuwa na uthubutu, kufanya zaidi na huku ikiwapa nafasi ya kuonyesha vipaji vyao kupitia mashindano ya kutafuta Ma DJ.

“Mtu yeyote mwenye umri zaidi ya miaka 18 anaweza kushiriki kwenye shindano hili katika sehemu alipo kwa kuwa linafanyika nchi nzima. Matanganzo ya wapi linafanyika yatakuwa yakitolewa katika kila wilaya na mkoa kupitia magari ya matangazo, redio pamoja na kurasa za mitandao ya kijamii za Serengeti Lite.

Ili kushiriki, washiriki watatakiwa kujiandikisha katika baa zitakazotangazwa na ambazo mashindano hayo yatafanyika na pia watatakiwa kuwa na orodha ya nyimbo watakazozicheza. Kutakuwa na mashindano kila wiki na mashindanao yatafanyika katika ngazi ya wilaya, mkoa na kitaifa ambapo washindi watatu watapatikana".amesema 

 Wankyo amesema washindi watapatikana kwa kupigiwa kura ambapo majaji watakuwa na asilimia 60 ya kura zote na asilimia 40 itakuwa ni ya mashabiki. Mashabiki wanaweza kushiriki kwa kupihga kura moja kwa moja wakiwa eneo la tukio au kupitia kurasa za mitandao ya kijamii za bia ya Serengeti Lite

Meneja huyo wa chapa aliwataka vijana kuchangamkia fursa hiyo itakayowapa nafasi ya kupiga hatua katika kile wanachokipenda.

Meneja Mwandamizi wa Chapa kutoka Kampuni ya Bia ya Serengeti Wakyo Marando (Kulia) akipiga 'selfie' na Kaimu Katibu Mtendaji wa Baraza la Sanaa la Taifa  Matiko Mniko  (kati kati) pamoja na Mkuu wa kitengo cha Bia wa Kampuni hiyo Nandi Mwiyombella muda mfupi baada ya uzinduzi wa kampeni ya Take a Bite Out of Life jijini Dar es Salaam. Kampeni hiyo inalenga kuwahamasisha vijana kuwa na uthubutu, kufanya zaidi na huku ikiwapa nafasi ya kuonyesha vipaji vyao kupitia mashindano ya kutafuta Ma DJ.