Wachezaji 10 'wazee' wenye thamani zaidi

Timu pia huzingatia nafasi ya mchezaji, malengo, pasi za mabao na vipimo vingine vya uchezaji, pamoja na sifa na soko la mchezaji. Ada za uhamisho zinaweza kuathiriwa na historia ya uhamisho wa mchezaji, hali ya soko la wakati huo la uhamisho, na uthabiti na udharura wa kifedha wa klabu ya ununuzi na uuzaji.

Hatimaye, thamani ya soko ya uhamisho ya mchezaji wa soka inategemea mazungumzo na inaathiriwa na thamani inayoonekana ambayo kila klabu inaweka kwa mchezaji. Wachezaji wanapovuka miaka 30, thamani yao kawaida hushuka.

Lakini kuna watu ambao wanacheza soka bora hata wakiwa na miaka 30 na hawaoneshi dalili zozote za kupungua, hawa hapa...

#10 Riyad Mahrez (Manchester City) – Euro Mil. 30

Umaridadi wa Riyad Mahrez umemfanya avutiwe na watu wengi kote duniani. Mchezaji huyo wa kimataifa wa Algeria ni mmoja wa mawinga bora zaidi duniani na ana uwezo mkubwa na akili ya mchezo.

Mshambulizi huyo wa Manchester City amefunga mabao 10 na kutoa pasi nne za mabao katika mechi 26 kwenye michuano yote hadi sasa. Ana umri wa miaka 31, na kwa sasa ana thamani ya Euro milioni 30.

#9 N'Golo Kante (Chelsea) – Euro Mil. 30

Haikuwa muda mrefu uliopita ambapo N'Golo Kante alizingatiwa sana kama mmoja wa wanasoka bora kwenye sayari. Ni mmoja wa viungo bora wa ulinzi wa zama za kisasa na amepata mafanikio mengi katika ngazi ya klabu na kimataifa, akishinda Kombe la Dunia mwaka 2018 na Ligi ya Mabingwa Ulaya akiwa na Chelsea mwaka 2021.

Lakini Kante mwenye umri wa miaka 32, amekuwa akikumbwa na majeruhi ya mara kwa mara ya hivi karibuni. Kwa sasa ana thamani ya Euro milioni 30.

#8 Karim Benzema (Real Madrid) – Euro Mil. 35

Karim Benzema alishinda Ballon d'Or mwaka 2022 baada ya kuwa na msimu bora zaidi wa maisha yake akiwa na umri wa miaka 34. Bado anaendelea vema akiwa na umri wa miaka 35 kwa sasa na ana msimu mzuri sana kwa Real Madrid.

Mchezaji huyo wa zamani wa kimataifa wa Ufaransa, amefunga mabao 17 kwenye LaLiga msimu huu akiwa na Los Blancos. Ana thamani ya soko la uhamisho ya euro milioni 35.

#7 Kalidou Koulibaly (Chelsea) – Euro Mil. 35

Chelsea ilimsajili Kalidou Koulibaly msimu uliopita wa majira ya joto kwa euro milioni 38. Beki huyo wa kati wa zamani wa Napoli, anatazamwa na wengi kama mmoja wa mabeki bora wa kati wa kizazi chake. Hajafurahia mwanzo mzuri wa maisha akiwa Chelsea. Thamani ya mchezaji huyo mwenye umri wa miaka 31, ni Euro milioni 35.

#6 Jorginho (Arsenal) – Euro Mil. 35

Jorginho alijiunga na Arsenal mwezi uliopita kwa dau la Euro milioni 11.3. Mchezaji huyo wa kimataifa wa Italia ni kiungo anayeshikilia nafasi ya juu, lakini hajakuwa katika kiwango bora msimu wa 2022-23. Mchezaji huyo mwenye umri wa miaka 31, atakuwa na matumaini ya kufufua soka lake Arsenal.

Jorginho kwa sasa ana thamani ya Euro milioni 35. Kwa hiyo, inaonekana kama 'Washikabunduki' wangejipatia dili kubwa ikiwa Jorginho anaweza kurejea kwenye viwango alivyoonyesha misimu michache iliyopita, itakuwa tamu zaidi.

#5 Robert Lewandowski (Barcelona) – Euro Mil. 45

Barcelona walilipa euro milioni 45 kumnunua Robert Lewandowski msimu uliopita wa majira ya joto. Ulikuwa uamuzi mzuri kwa Wakatalunya hao kwani Lewandowski amekuwa hodari mbele ya lango msimu huu. Kiwango chake kimechangia kwa kiasi kikubwa kuwafanya wapokee pointi nane kileleni mwa jedwali la LaLiga.

Lewandowski mwenye umri wa miaka 34, amefunga mabao 23 na kutoa pasi tano za mabao katika mechi 25 alizocheza kwenye mashindano yote akiwa na 'Blaugrana' hadi sasa msimu huu.

#4 Lionel Messi (Paris Saint-Germain) – Euro Mil. 50

Lionel Messi ana umri wa miaka 35 sasa, lakini amecheza soka la kustaajabisha msimu huu. Uzuri wake binafsi uliisaidia Argentina kutwaa ubingwa wa Kombe la Dunia na amekuwa katika hali nzuri kule Paris Saint-Germain.

Messi amefunga mabao 15 na kutoa asisti 14 katika mechi 24 alizocheza kwenye michuano yote akiwa na PSG hadi sasa msimu huu. Mshindi huyo mara saba wa Ballon d'Or kwa sasa ana thamani ya Euro milioni 50.

#3 Virgil van Dijk (Liverpool) – Euro Mil. 50

Virgil van Dijk amekuwa na mchango mkubwa kwa Liverpool kwenye eneo la ulinzi na amekuwa na mchango mkubwa katika mafanikio yao chini ya kocha Jurgen Klopp. Beki huyo wa kati wa Uholanzi aliigharimu Liverpool euro milioni 84.65 mwaka 2018.

Van Dijk ana umri wa miaka 31, sasa na anaendelea kuwa mtu wa kutegemewa ingawa uwezo wake unaweza kuwa umepungua kidogo katika kipindi cha mwaka jana. Kwa sasa ana thamani ya Euro milioni 50.

#2 Neymar Mdogo (Paris Saint-Germain) – Euro Mil. 75

Neymar Jr. amekuwa katika kiwango bora PSG msimu huu. Katika mechi 25 kwenye michuano yote hadi sasa msimu huu, nyota huyo wa Brazil amefunga mabao 17 na kutoa pasi za mabao 15 kwa wachezaji wa Paris.

Mchezaji huyo mwenye umri wa miaka 31, ni mmoja wa washambuliaji bora wa karne ya 21 na ni furaha kutazama kila anapopiga mpira. Neymar kwa sasa ana thamani ya euro milioni 75.

#1 Kevin De Bruyne (Manchester City) – Euro Mil. 80

Kevin De Bruyne ndiye kiungo bora zaidi wa kizazi chake. Sifa za kiufundi za mchezaji huyo wa kimataifa wa Ubelgiji pamoja na maono yake na akili ya mchezo vinamfanya kuwa mmoja wa wachezaji hatari zaidi wa zama hizi.

De Bruyne amekuwa mtu mkuu wa Manchester City chini ya kocha Pep Guardiola. Mchezaji huyo mwenye umri wa miaka 31, amefunga mabao matatu na ametoa pasi nyingi za mabao 17 katika mechi 27 kwenye michuano yote aliyoichezea City kufikia sasa msimu huu. Ana thamani ya Euro milioni 80.