Wachezaji karate kupewa mafunzo

03Mar 2023
Shufaa Lyimo
DAR ES SALAAM
Michezo
Nipashe
Wachezaji karate kupewa mafunzo

WACHEZAJI wa mchezo wa karate kata pamoja na kumite wanatarajiwa kushiriki katika mafunzo maalumu yatakayofanyika kuanzia Machi 11 hadi 21, mwaka huu, jijini Dar es Salaam chini ya wakufunzi, Sensei Fulgence na Sensei Thadei, kutoka nchini Burundi.

 

Msemaji wa Chama cha Karate Tanzania, Salma Abdallah, alisema lengo la mafunzo hayo ni kuwaongezea ujuzi wachezaji wa hapa nchini ili waufahamu vyema mchezo huo.

"Mafunzo hayo yatawasaidia wachezaji kuufahamu vizuri mchezo huu pamoja na kujiandaa kufanya vyema kwenye mashindano yaliyopo mbele yetu," alisema Salma.

Aliongeza mchezo huo kwa sasa unazidi kupata umaarufu tofauti na miaka ya nyuma jambo ambalo linasaidia kuutangaza.

"Tunafurahi kuona sasa mchezo unapendwa, vipaji vipya vinazaliwa, tunaomba Watanzania wajiunge na mchezo wetu," aliongeza.