Msichague viongozi wanaoishi Dar - Nape

Nape alisema hao juzi akiwa mkoani Kigoma na kueleza kwamba hali hiyo inawafanya viongozi hao kushindwa kuwatumikia vyema wananchi waliowachagua kwa sababu ya kutokuwa nao karibu.

Alisema kiongozi anayeishi Dar es Salaam utendaji wake hauwezi kufanana na kiongozi anayeishi eneo husika.
"Msiwachague viongozi wanaokaa Dar es Salaam, wao mnawaona wakati wa uchaguzi tu, muda mwingi wanakuwa nje ya mkoa," alisema na kuongeza:

"Hii haiwasaidii, wao wanaonekana wakati wa uchaguzi halafu wakishinda wanaondoka mpaka uchaguzi ujao," alisema Nnauye.

Alisema serikali inawaomba viongozi wote mikoani kufuata katiba zao na kutekeleza kalenda walizozipanga ili kuiendeleza michezo kuanzia ngazi ya wilaya.