Arteta: Arsenal imenipa raha isiyoelezeka

Arsenal walikuwa nyuma kwa mabao 2-0 kutokana na Philip Billing kufunga bao la pili baada ya Marcos Senesi kufunga la kwanza.

Hata hivyo, Thomas Partey alipunguza kwa nusu dakika ya 62 kabla ya Ben White kusawazisha dakika nane baadaye.

Katika fainali ya kishindo ambayo ilishuhudia Arsenal wakipiga mashuti 31, msimu wa juu katika Ligi Kuu, Nelson alipiga shuti kali kutoka ukingoni mwa 18 na kupata ushindi mnono na kuamsha shangwe za furaha.

Benchi la ufundi la Arsenal lilifurika uwanjani huku mashabiki wakikaa kwa muda mrefu baada ya filimbi ya mwisho kuishangilia timu yao wakati huu wakiendelea kuwaongoza Manchester City kwa pointi tano kileleni mwa msimamo wa ligi hiyo.

"Labda ni wakati mkali na wa kimhemko zaidi ambao tumeishi pamoja," alisema Arteta, ambaye aliteuliwa kuwa kocha wa Arsenal Desemba 2019.

"Safari ambayo tumekuwa pamoja na jinsi mashabiki na wachezaji wanavyosonga pamoja. Kuongeza wakati huo, ni maalum sana."

Tangu kufungwa na Man City Februari 15, mwaka huu, Arsenal imeifunga Aston Villa, Leicester City, Everton na Bournemouth.

Walimpoteza Leandro Trossard kutokana na jeraha la kipindi cha kwanza Jumamosi, lakini Nelson alifunga bao lake la kwanza la ligi tangu Oktoba na kuendeleza mwendo wao wa ushindi.

"Kushinda mechi nne kwenye Ligi Kuu ni ngumu sana na tumefanya tatu kwa wiki, ambayo ni ngumu zaidi," alisema Arteta.

"Tumefanya kwa njia mbalimbali na hiyo inapaswa kuzalisha imani zaidi. Leo (juzi) mambo mengi yameenda kinyume na timu.”