Wanafunzi ambao wajaripoti kusakwa nyumba kwa nyumba

16Jan 2024
Neema Hussein
Tanganyika
Habari
Nipashe
Wanafunzi ambao wajaripoti kusakwa nyumba kwa nyumba

MKUU wa Wilaya ya Tanganyika mkoani Katavi, Onesmo Buswelu, ameonyesha kutoridhishwa na kasi ya uripoti wa wanafunzi wanaoanza kidato cha kwanza katika shule ya sekondari Kabungu huku akiahidi kupita kila kona ikiwemo nyumba kwa nyumba kuwasaka wanafunzi hao.

MKUU wa Wilaya ya Tanganyika mkoani Katavi, Onesmo Buswelu.

Buswelu ametoa ahadi hiyo wakati akizungumza na wananfunzi katika shule ya sekondari Kabungu ambapo amemtaka Mkurugenzi na timu yake kutumia jeshi la akiba kuwatafuta wanafunzi ambao bado hawajaripoti shuleni.

Mkuu wa shule ya sekondari Kabungu, Abdalah Kombo amesema wamepangiwa wanafunzi 231 na mpaka sasa ni wanafunzi 30 ambao wameripoti.

Aidha, Buswelu amesema hakuna mwanafunzi anaetakiwa kuripoti akiwa na dawati pamoja na mifuko mitano ya simenti kama inavyodaiwa.