Walimu zaidi 50 wafikiwa mafunzo ya elimu jumuishi

06Aug 2023
Na Mwandishi Wetu
SIMIYU
Habari
Nipashe Jumapili
Walimu zaidi 50 wafikiwa mafunzo ya elimu jumuishi

WALIMU zaida 50 kutoka Shule za Msingi 50 mkoani Simiyu wamenufaika na mafunzo ya Elimu Jumuishi yaliyofanyika kwenye Ukumbi wa Halmashauri ya Wilaya ya Maswa chini ya ufadhili wa Cambridge Education Tanzania.

Akizungumza mara baada ya mafunzo hayo Mratibu wa Elimu Bora mkaoni Simiyu, Ester Malwa amesema kuwa mafunzo hayo yatawasaidia walimu hao kushirikiana na jamii kuweza kuhamasisha mahudhurio ya wanafunzi mashuleni.

Malwa ameongeza kusema  kuwa  hadi sasa Mkoa wa Simiyu unazaidi ya wanafunzi wenye mahitaji maaluma 605 huku kukiwa na mwitikio toka kwa wazazi wakuwaandikisha  watoto wenye mahitaji Maalumu mashuleni.

"Kwa sasa tunaona kunamwitikio wa wazazi wa kuwaandikisha watoto wenye mahitaji maaluma mashuleni tofauti na hapo awali watoto wenye mahitaji maaluma walifungiwa ndani nakukosa fursa yakijiendekeza kielimu"amesema Malwa.