TPSF - Sera ya Taifa ya Ushirikishwaji wa watanzania muda ni sasa

05Jan 2024
Na Mwandishi Wetu
MWANZA
Habari
Nipashe
TPSF - Sera ya Taifa ya Ushirikishwaji wa watanzania muda ni sasa

Taasisi ya Sekta Binafsi Tanzania (TPSF) imeshauri kuwepo kwa Sera ya Taifa ya ushirikishwaji wa Watanzania ili kuratibu ushiriki wao katika sekta ya madini.

Kaimu Mkurugenzi wa TPSF Raphael Maganga.

Kaimu Mkurugenzi wa TPSF Raphael Maganga, amesema hayo leo Januari 5, 2024 Jijini Mwanza katika kikao kilichoandaliwa na Waziri wa Madini Antony Mavunde kililenga kukuza uwezo wa cha watoa huduma migodini.

Kwa upande wa Maganga alilisitiza kuwa uwepo wa sera unganishi ya taifa   Ya ushirikishwaji wa Tanzania kama mwarobaini wa kuongeza ushiriki wa watanzania.

“Sera ya sasa ipo kwenye sekta za madini na Mafuta, sekta nyingine bado hazina sera ya Ushirikishwaji wa Tanzania (Local Content) hivyo, ili kuratibu ushiriki wa watanzania lazima kuwepo na Sera au sheria ya Taifa ya Ushirikishwaji wa Tanzania (National Local Content Policy). “

Aidha kwa upande wake Mavunde amesema zaidi ya kampuni 750 zinatoa huduma katika migodi mbali mbali Tanzania, Serikali kupitia Wizara ya Madini imedhamiria  kuweka mikakati  ya kuongeza ushiriki wa  watanzania katika shughuli za madini  ikiwa ni pamoja na kuongeza idadi ya watanzania wanaotoa huduma na usambazaji wa bidhaa migodini.